නිවස ඓතිහාසික ඓතිහාසික අපේ පැරණි අකුරු

ප්‍රධාන ‍මෙනුව

වෙබ් අඩවියට ඇ‍තුල්වීම



Captcha plugin for Joomla from Outsource Online
 
අපේ පැරණි අකුරු පී.ඩී.එෆ් (PDF) මුද්‍රණය ඊ-තැපැල
2010 මැයි 13 වෙනි බ්‍රහස්පතින්දා, 05:30

අපේ පැරණි අකුරු

අප රටේ සිංහල ජනතාවට තරම් ම ඈත අතීතයකට අයත් ඉතිහාසයක් අද අප භාවිතා කරන අකුරුවලට ද ඇති බැව් ඔබ දැන් ඉතා හොඳින් දන්නා කරුණකි. කළුගල් පර්වතවල හා ගල්ලෙන්වල කොටා ඇති මේ පැරණි අකුරු ගැන වැරදි අවබොධයකින් කටයුතු කරන අපගේ සමහර වැඩිහිටියන් එසේ ලියා තිබෙන්නේ ඉතා වටිනා වස්තු නිදන්කර ඇති ස්ථානවල බව සිතා එම පර්වත විනාශ කිරීම ඉතාමත් කණගාටුදායක කරුණකි. එයින් අපගේ අතීත උරුමය ලියා ඇති ඒ අගනා ශිලා ලේඛන විනාශ වන්නේය. මේ කාරණය පුංචි වුවත් ඔබ වටහා ගත යුතුය. එපමණක් ද නොවේ. එසේ ඒ පැරණි අකුරු ලියා ඇති ගල් පර්වත විනාශ කිරීම ජාතික අපරාධයක් බව ඔබගේ වැඩිහිටියන්ට ද අවබෝධ කර දීමේ හැකියාව ඔබට මේ නිසා ලැබෙනු ඇත. මේ අගනා ශිලා ලේඛන ගැන පාසල් පොත්වලවත් සඳහන් වී නැති නිසා මේ පිළිබඳව ඔබට වැඩියෙන් තොරතුරු ලබාදීම අපගේ වගකීමක් ලෙසින් අපි සළකන්නෙමු. එම නිසා අපගේ අතීත ජන උරුමය අපගේ මුතුන් මිත්තන් විසින් ආරක්ෂා කර ඔබ අතට පත්කර ඇතුවාක් මෙන්ම ඔබගේ ද යුතුකම වන්නේ ඒ අතීත උරුමය පණ මෙන් රැකගෙන අනාගත පරපුර සඳහා භාරදීමය. එසේ නම් ඔබ විසින් මේ මිල කළ නොහැකි පුරාවස්තු වලට අයත් පැරණි ශිලා ලේඛන ද රැක ගත යුතුව ඇත. පැරණි අකුරු කියැවීමට ඔබට ද හැකියාවක් ලබාදීම මෙසේ පැරණි අකුරු ගැන කරුණු ඉදිරිපත් කිරීමේ අරමුණ වන්නේය.

බ‍්‍රාහ්මී අක්ෂර අකුරු කලින් කලට වෙනස් වී මෙකල අකුරු සකස් වී ඇති අන්දම එම ශිලා ලේඛන ඉතාමත් සැලකිල්ලෙන් බලන විට ඔබට වුවද අවබෝධ වනු ඇත. එම නිසා අපි අද විමසා බලන්නේ ලෙන් ලිපි මෙන් ම ඉතා වැදගත් වන තවත් විශේෂ වූ ශිලා ලිපි වර්ගයකි. එම ශිලා ලිපි ලියා තිබෙන්නේ පිහිටි ගල්වල නැතහොත් පර්වතවලය. ඒ නිසා අපි එම ශිලා ලිපිවලට ගිරි ලිපි හෙවත් පර්වත ලිපි යන නාමය භාවිතා කරන්නෙමු. ROCK INSCRIPTIONS(රොක් ඉන්ස්කි‍්‍රප්ෂන්ස්) යන නාමය ද මේ සඳහා භාවිතා කරනු ලැබේ.පිහිටි ගල්වල ලියන ලද ශිලා ලිපි ලංකාවේ පමණක් නොව භාරත දේශයේ අසෝක රජතුමා විසින් බ‍්‍රාහ්මී අක්ෂර වලින් ම ලියන ලද ශිලා ලිපි ද රාශියක් දක්නට ලැබේ. ලංකාවේ ලෙන් ලිපි ඉතා විශාල සංඛ්‍යාවක් දක්නට ලැබේ.එහෙත් ගිරි ලිපි හෙවත් පර්වත ලිපි එපමණ විශාල සංඛ්‍යාවක් නැත. ඉතාම ප‍්‍රකට වූ ගිරි ලිපියක් අපි මෙහි දී ඔබට ඉදිරිපත් කරන්නෙමු. එම ගිරි ලිපිය මිහිඳු මහ රහතන් වහන්සේගේ ධාතුන් වහන්සේලා තැන්පත් කර තිබූ දාගැබක් අසල පර්වතයක බ‍්‍රාහ්මී අක්ෂර වලින් ලියන ලද ගිරි ලිපියකි. එය මීට ඉහතදී ද අප විසින් ඔබට ඉදිරිපත් කළ නමුත් එහි අකුරුවල වැරදි තිබූ නිසා අද එය නිවැරදිව මෙසේ ඉදිරිපත් කරමු.“යෙ ඉම දිප පටමය ඉදිය අගතනඉඩික තෙර මහිද තෙරහ තුබෙ”තේරුම:- මෙම දිවයිනේ වාසනා මහිමය නිසා පැමිණි ඉට්ඨිය සහ මහින්ද තෙරුන් වහන්සෙලාගේ ස්තූපයයි.අම්පාර දිස්ති‍්‍රක්කයේ රජගල කන්දේ පිහිටි ගිරි ලිපියෙන් ඉතාමත් වැදගත් ඓතිහාසික තොරතුරක් අපට දැනගත හැකිය. එහි ඡායාරූපයක් ද මේ සමග ඔබට දැකගත හැකිය. මිහිඳු මහ රහතන් වහන්සේ ලංකාවට වැඩම කළ බැව් අප රටේ ඇති වංස කතාවල සඳහන් වී ඇත. ඒ සමග වැඩම කළ තවත් රහතන් වහන්සේ නමක් වූ ඉට්ඨිය තෙරුන්ගේ නාමය ද ඒ සමග සඳහන් වී ඇත. මෙහි දී වැදගත් වන්නේ මිහිඳු මහ රහතන් වහන්සේ ලංකාවට වැඩම කළ බව සඳහන් වන කාරණයයි. මෙවැනි තවත් ගිරි ලිපි රැසක්ම ඇත.

අවසන් යාවත්කාලීන කිරීම 2010 මැයි 13 වෙනි බ්‍රහස්පතින්දා, 05:30
 

අධ්‍යාපනය

Dahamsaura


Vidunena


Goviya


Nawagoviya


Lanka exam help


විකි


සෞඛ්‍ය


Firstaider


Happylife